上星期即場跟我哋賭漢堡，中下一隊入球加賽前上盤應中到應，呢個星期又有新意，由今季德乙主場未輸過嘅格雷特霍夫，主場對波琴嘅賽事又由東網直播（on.cc東網周六凌晨1時30分直播）。格雷主場有力贏基爾及辛特侯遜、賽和漢堡，主場威力唔係紙上賽績咁簡單，相對波琴今季客場僅一勝，呢口平手盤真係必須重點出擊，買定同我哋一齊玩走地實冇衰。
聖日耳門追大追到尾
至於夜啲開波有拿玻里同聖日耳門，兩隊咁啱就喺下星期歐聯正面交鋒，呢場點都會有保留，拿玻里主場讓到球半/兩球，以安帥慣例未必會大炒，好有可能拉開比數放慢節奏，即場睇佢哋贏到兩球即買入球細；巴黎全城期待，但留意里爾今季攻擊力強勁，尤其尼華基美腳風順到受各大球會重視，巴黎後防只得二線波水準，贏嚟都好有機會失波，三球半大可賽前過關，實際啲先買半大，即場再追入球大更理想。