周五澳職墨爾本城主場迎戰FC悉尼。FC悉尼剛喺澳足盃決賽輸波衞冕失敗，今場定必爭勝博反彈，球隊近6次對墨城全勝，擺明格食格，平手盤抵玩。
（Now 639、有線655及615周五下午4時50分直播）
FC悉尼喺周二舉行嘅澳足盃決賽以1比2不敵阿德萊德聯，近3屆決賽2度屈居亞軍，不過佢哋喺前年澳足盃決賽輸波後，跟手11場聯賽一口氣攞到8勝3和，成為季尾勇奪常規賽冠軍嘅最大關鍵，所以絕對唔可以低估FC悉尼嘅反撲能力。
事實上，FC悉尼已經適應咗教練艾萊特及兩大主力保保、美亞斯祖斯基離隊嘅影響，上場聯賽喺打吡戰以2比0擊敗西悉尼流浪者，除打開今季聯賽勝利之門，新加盟嘅英格蘭前鋒方祖更加連續5場比賽有士哥，腳風大順好難抵擋。
近6交鋒悉尼贏晒
墨爾本城頭2場聯賽雖然都同悉尼一樣錄1勝1和，不過2場都係先失波，如果今場又再先失守，要喺上季常規賽失波最少嘅悉尼身上收復失地唔容易，更何況墨城最近6次交手全部輸晒，主場出擊都冇優勢可言，平手盤捧悉尼。