今晚英超尾場上演倫敦打吡，由「3哥」車路士於主場迎戰水晶宮。雖然車仔王牌夏薩特仲未好番，萬幸嘅係一向敗家嘅艾華路莫拉達生性腳風轉順，加上近期出戰聯賽例必先發制人，遇上防線欠穩嘅水晶宮，不妨揀半場主勝。
（Now 622周一凌晨零時直播）
車仔王牌夏薩特仍受背傷困擾，為安全起見今仗或繼續收起，好彩佢哋大把人用，之前受傷嘅前鋒柏度洛迪古斯已經好番，而「敗家仔」艾華路莫拉達近期突然生性，近3場聯賽入2粒，信心返晒嚟，趁住中鋒基奧特未好番，呢位西班牙前鋒梗係要入多幾粒爭取表現。除咗佢哋之外，中場巴克里更連續3場聯賽有士哥，被大讚係「新林柏特」，個個都咁弗，「夏神」可放心休息。
水晶宮近5仗場場有失波
水晶宮上輪好醒咁逼和阿仙奴2比2，令對方各項賽事11連勝斷纜，點知轉個頭喺上周中英聯盃畀米杜士堡踢出局，近5場輸咗4仗，場場有失波，防線堅唔穩。唔計社區盾，車仔自開咧後各項賽事15仗未輸過，當中贏咗12場添，弗到冇朋友，今仗贏波冇難度，但主W賠率太奀，而且佢哋近6場聯賽，有5次於上半場取得領先，咁鬼搶韁，轉捧半場主勝。