周三凌晨歐聯早場，貝爾格萊德紅星主場硬撼「紅軍」利物浦。實力明顯欠奉嘅紅星，防線表現弱不禁風，去到歐聯賽場只好任人魚肉，呢場再遇火力強勁嘅利物浦，隨時再有慘敗血案發生，如果嫌客勝太熱，轉捧中位數3.5球入球大絕對係好路。
（Now643、有線662及602台周三淩晨1時55分直播）
曾經喺1991年稱霸歐冠（歐聯前身）嘅貝爾格萊德紅星，早年風頭一時無兩，仲曾嚟過香港獻技，對唔少資深球迷嚟講肯定唔會陌生。可惜今時唔同往日，時隔多年重返歐聯正賽嘅紅星，明顯技遜一籌，分組賽3仗未贏過之餘，近2仗歐聯仲慘吞10球，包括早前1比6畀巴黎聖日耳門血洗，球隊後防級數未達歐洲賽事水平。
相反利物浦無論實力或者歐戰經驗都遠勝對手，領隊高普教波又以進攻足球見稱，擁穆罕默德沙拿、羅拔圖法明奴同沙迪奧文尼呢班「埃及文明」組合領銜鋒線，紅軍近5仗歐聯就有4仗開4球或以上，火力認真驚人。今仗喺隊長佐敦軒達臣同拿比基達倦勤嘅情況下，高普相信都會以攻代守，靠犀利攻勢劍指3分，希望可以穩固C組1哥嘅地位，中位數3.5球入球大唔好錯過。