利物浦為免分心唔帶沙基利

梳頓沙基利隨隊利物浦作客貝爾格萊德紅星，由於梳頓沙基利有科索沃血統，而且亦公開支持科索沃2008年獨立，因為政治問題而被塞爾維亞人視為「眼中釘」，上一輪紅星作客利物浦，梳頓沙基利每次掂波都會被客隊球迷狂噓，如果今次嚟到塞爾維亞，肯定會受到更加震撼嘅「招呼」。據報梳頓沙基利已經向利物浦表明「唔怕噓」，不過高普就擔心球隊會因為呢啲問題而分心，決定畀佢休息。