王者戰孖住嚟

亞洲、南美兩大王者之戰今晚打孖上！先有亞冠盃決賽次回合，柏斯波利斯主場鬥鹿島鹿角，到底鹿角能否繼上屆浦和紅鑽後，連續兩屆將獎盃帶返日本，延續日職強勢呢？夜啲仲有場南美自由盃決賽首回合，爆發至激阿根廷國家打吡，兩大死敵河床同小保加，首度喺呢項南美最高級別球會決賽正面交鋒，仇人見面分外眼紅，不容錯過！