東南錦B組賽事泰國主場鬥印尼，泰國今屆首戰以7比0大炒東帝汶，盡顯球隊強大火力，加上兩隊近年於東南錦交手經常上演對攻戰，今仗隨時再有大手交易，入球大屬不二之選。
（有線662及602台周六晚上7時30分直播）
東錦賽5屆盟主泰國，今屆衞冕首戰就取得完美開局，作客以7比0血洗東帝汶，其中效力泰國傳統勁旅蒙通聯嘅前鋒卡拉桑表現如入無人之境，個人獨取6球，暫列賽事射手榜首位，今場勢必乘勇再爭取士哥，火力值得信賴。
近年交鋒例多波入
世界排名160位嘅印尼今屆分組賽首戰，作客以0比1不敵新加坡。不過作為上屆決賽分子，印尼實力絕對不容小覷，上輪主場即以3比1擊退東帝汶打開今屆勝利之門，而且球隊近年鬥勁旅泰國表現頑強，無懼同對手鬥攻，近5次交手4次開3球或以上，相信印尼今場會再同泰國駁火，大家可以等睇入球騷。呢場足智彩有開走地，大家可以睇住玩，賽前先嚟一注，見入咗波可以再追多注都唔怕。