今晚歐國聯C3組賽事，「2哥」保加利亞於主場硬撼斯洛文尼亞。保加利亞爭升班仍未絕望，戰意秤先，撞正肯定降班嘅包尾大幡斯洛文尼亞，可趁機搶W。
（有線605台周二凌晨3時45分直播）
斯洛文尼亞篤定降班
先講講C3組形勢，現時保加利亞以10分排第2位，但查實與「1哥」挪威同分，兩軍對賽得分、得失球差、得球及作客入球亦相同，而再計總得失球差，保加利亞落後挪威1粒，因此今仗不但要贏波，亦要盡量爭取大勝，戰意必堅。相反，斯洛文尼亞喺呢組未贏過僅得2分，落後「3哥」塞浦路斯3分，而對賽成績又較差，肯定包尾降班，唔慌會搏。加上雙方近3次碰頭，保加利亞贏晒擺明格食格，為升班唔會腳軟，主勝有買趁早。