實力接近 慢熱鬥磨
今日澳職上演兩場，尾場布里斯班獅吼主場迎戰墨爾本城。獅吼開季4戰不勝，而且半場從未領先對手，不過墨城今季4場聯賽亦有3次先失守，比賽初段都係失魂居多；既然兩軍表現都咁慢熱，而且往績亦旺開半場和，今場一於再追多鋪。
（Now 638、有線654及614台周六下午4時50分直播）
獅吼今季4場聯賽唔單止3和1負未贏過，而且單季上半場只得1和3負，球員入局慢，為咗唔好再次先失波而處於劣勢，預計今場初段都會穩打穩紮。墨城開季4戰雖有2勝1和1負，但當中2比1作客擊敗墨爾本勝利、1比1和中岸水手皆先失守，連同主場淨吞FC悉尼3蛋，墨城今季4場聯賽亦有3次先失波，預計兩軍於比賽初段都難佔上風。
連同聯賽及盃賽，獅吼與墨城近3次交手，半場皆未能分出勝負，包括今屆澳足盃32強對碰，當時墨城要力戰至加時最後一刻，才憑科拿路利建功擊敗對手，可見兩軍實力非常接近，今場宜再追半場和。
阿聯對賽恰死鳳凰
至於頭場威靈頓鳳凰主場鬥阿德萊德聯。鳳凰近3場聯賽不勝兼冇入波，狀態陷低谷；阿聯上場主場雖以0比2不敵珀斯光輝，但對上8次聯賽鬥鳳凰取得5勝3和，今場阿聯讓平半、一於捧上盤。
（Now 638、有線654及614台周六下午2時35分直播）