至於尾場史浩克04主場對紐倫堡，兩軍目前同得10分喺聯賽榜下游掙扎，史浩克上輪畀法蘭克福大炒，紐倫堡更喺打吡戰主場輸畀包尾嘅史特加，呢對難兄難弟同樣面對鋒力不足問題，今晚預期入波都唔會多，捧番中位數2.5球細盤好過。
（on.cc東網周日凌晨1時30分直播）
史浩克今季痛失哥列斯卡同麥斯美亞兩大中場領袖，令佢哋組織進攻遲未能搵到新方向，依家踢咗11輪只入得8球，係德甲鋒力最弱球隊，今場佢哋仲有射手馬克烏夫同比列安保路因傷缺陣，火力進一步削弱，加上佢哋仲分心應付緊歐聯，下周中作客對波圖嘅戰役係出線關鍵戰，更加令佢哋今場唔敢去得太盡。
紐倫堡喺德甲已經5輪未贏過，不過除咗上輪心急進攻輸咗畀史特加外，之前兩輪都和到波，球隊經過早前慘敗喺多蒙特同萊比錫腳下後，近期明顯加強防守，今晚作客面對牌面比自己高嘅對手，相信更加唔會亂搶攻。