先講《球愛Live Party》直播場次，由奧格斯堡主場火併法蘭克福，有睇開德甲嘅朋友，但會知道呢場係好嘢嚟，兩軍近期踢法開放火力強勁，而且鬥志十分旺盛，今晚碰頭肯定癲鳳鬥狂龍，唔憂冇波入，中位數2.5球大盤係穩陣之選。
（on.cc東網周六晚10時30分直播）
法蘭克福絕對係今季德甲開鑼以嚟嘅最大驚喜，季前好多人對佢哋持悲觀態度，因為上季領軍攞到不俗成績嘅教練尼高高華，畀班霸拜仁慕尼黑撬走咗，搵嚟瑞士教頭侯達代替，點知原來變得更好，皆因法蘭克福嘅強項係進攻，保守嘅尼高高華未能完全發揮球隊所長，依家侯達嚟到踢3412陣式嘅開放足球，前線3叉戟列比錫、盧卡祖域同施巴斯坦賀拿嘅表現更上一層樓，憑佢哋3人之力，已經喺11場聯賽入咗23球，法蘭克福目前位列聯賽前4，歐霸盃亦喺小組賽4戰全勝提早出線，成績令人喜出望外。
奧堡肯攻唔赦法福三叉戟
不過，法蘭克福今晚可唔可以延續近期強勁走勢，黑柴就唔係咁肯定，皆因主隊奧格斯堡亦非弱者，佢哋上輪作客面對勁旅賀芬咸，顯示出頑強嘅鬥志同戰鬥力，拚到比賽尾段至不幸輸波，呢班波嘅戰鬥力同鋒力都有保證，而且位列中游冇乜護級壓力，所以唔怕搶攻，近6場德甲就有5場開出3球或以上嘅大盤，雖然防線能力相對較弱，但佢哋近11次主場對法蘭克福只係輸過1次，今仗開出平手盤證明莊家都唔敢睇低佢哋，今場一於博大盤啦！