東南亞錦標賽今晚上演B組最後一輪賽事，泰國、菲律賓同新加坡將角逐兩個出線席位，其中菲律賓作客印尼只要全取3分，就唔使理另一場戰果出線4強，目標鮮明信得過，2.52倍客W放心捧場。
（有線604及603台周日晚8時直播）
現時B組形勢泰國、菲律賓同樣3戰得7分，新加坡則落後1分；由於最後一輪泰國要同新加坡正面交鋒，菲律賓今場只要贏波就肯定入到4強，佢哋喺名帥艾歷臣帶領下演出令人刮目相看，對手印尼已篤定出局，無謂阻人發達。
泰國質高狙擊新加坡
同組另一場泰國主場鬥新加坡，分數落後嘅新加坡今仗一定要贏先可以反壓對手出線，但佢哋分組賽兩場勝仗皆來自主場，唯一客場賽事以0比1不敵印尼，客場表現打折扣。泰國雖然和波就夠，但為免有任何差池，主場唔會刻意求和。泰國近3次喺東錦賽對新加坡全部贏晒，明顯高一班，1.75倍讓球主勝可謂信心之選。
（有線661及601台周日晚8時直播）