吸取遭曼聯反勝教訓
H組重頭戲榜首祖雲達斯迎戰華倫西亞。祖記今場和波已足以出線16強，不過吸取上場對曼聯先勝後敗教訓，預計主場出擊的祖記亦不敢怠慢，務求盡早奠定勝局。祖記今屆4場歐聯分組賽有3次半場領先，今場主W冇肉食，轉敲半場主勝仲抵玩。
（Now 645周三凌晨4時直播）
目前H組形勢，祖雲達斯4戰得9分排榜首，曼聯以2分落後排第2，華倫西亞則以5分排第3，祖記今場只要保持不敗，便毋須理會其他戰果，連續第5季躋身歐聯16強。祖記上輪分組賽主場雖然輸畀曼聯1比2，不過全場表現唔算差，C朗先開紀錄嘅一球更加係世界級水準，臨完場連輸2個罰球可以講係「神推鬼擁」，吸取上次教訓，相信祖記今場更會打醒十二分精神，主場出擊唔會主守求1分，以免讓對手有機可乘。
首循環C朗被逐都輕勝
祖記首循環作客華倫早喺上半場已有C朗領紅牌被逐，結果少打一人下仍以2比0輕鬆勝出，實力明顯高一班，而且經過幾個月磨合，C朗已經完全融入球隊，近5戰個人入5球，比起上次交手戰鬥力更上一層樓。華倫目前西甲僅排第10位，成績同表現今非昔比，想爭出線除非有奇迹出現。祖記今屆4場歐聯分組賽有3次半場領先，而且近4場比賽亦有3次開半場勝，今場不妨轉捧半場主勝。