周五澳職獨腳戲，阿德萊德聯主場迎戰布里斯班獅吼。阿聯今季主場發揮不及作客，聯賽3戰未贏過；獅吼上場終於打開今季勝利之門，加上近2次對賽皆勝，今場有力乘勝追擊，讓球客勝博得過。
（Now 639、有線655及615台周五下午4時50分直播）
阿聯目前聯賽排名雖高於獅吼，不過球隊今季2場聯賽勝仗皆來自作客，3場聯賽主場僅獲2和1負，當中近2場對紐卡素噴射機及珀斯光輝都係先失守，攻守表現唔算理想，就算主場出擊亦冇明顯優勢。
近2次對賽全勝
獅吼上場主場以2比0擊敗墨爾本城，打開今季聯賽勝利之門，士氣唔錯，而且連澳足盃在內，獅吼今季6場法定時間之內只輸1場，表現夠硬淨。兩軍上季於澳職3次碰頭，獅吼除咗首次對賽喺主場輸波，其餘2次都贏波，食住上場聯賽開齋道氣，今場至少可保不敗，獅吼受讓值博。