除咗前3位之爭，護級形勢亦相當激烈，排第14位嘅湘南比馬作客第16位嘅名古屋鯨魚，更加係護級關鍵大戰。雙方為求自保今場都想攞晒3分，鯨魚重攻輕守，入波雖多卻彌補唔到後防之失，比馬今季作客亦甚少死守，今場捧2.5球嘅大盤最好路。
（周六下午1時開賽）
形勢複雜爭勝係上策
現時榜末形勢，長崎成功丸及柏雷素爾已篤定直接降班，第12至16位嘅橫濱水手、磐田山葉、湘南比馬、鳥棲砂岩及名古屋鯨魚只相差1分，5隊仲有可能淪落去踢護級附加賽。按照目前形勢，如果砂岩最後一輪輸波，鯨魚同比馬和波就可攜手上岸，不過如果砂岩有分落袋，就要寄望山葉作客輸畀前鋒，鯨魚及比馬可憑較佳得失球差宣布護級成功。
由於形勢極為複雜，與其望競爭對手失分，主動爭勝先係最上策。鯨魚今季33場聯賽入50球，火力更勝三箭、岡薩多等前列球隊，不過佢哋顧得進攻卻忽略防守，失57球係聯賽失波最多球隊。至於比馬和波已足，不過睇番佢哋今季16場聯賽作客只有4場交白卷，客場出戰並非一味死守，況且榜末局勢隨比賽進行隨時出現變化，比馬為求自保亦不容過分保守，既然鯨魚近5場主場全開3球或以上，捧2.5球大盤最明智。