今晚西甲重頭戲皇家馬德里主場鬥華倫西亞。上輪聯賽意外落敗嘅皇馬，周中歐聯即反彈贏羅馬，證明球隊戰意依然旺盛；華倫嚟親巴拿貝例必鬥攻，中位數3.5球大盤照捧。
（Now 632周日凌晨3時45分直播）
皇馬防線傷兵多
皇馬自蘇拿利執手帥位後曾締造4連勝佳績，但上輪聯賽以0比3慘敗畀伊巴，又畀人質疑佢嘅教波功力，尤其球隊防線問題再次浮現，好在周中歐聯清脆擊敗羅馬，令蘇帥稍減壓力。喺拿祖費南迪斯同卡斯米路等守將因傷缺陣下，蘇拿利惟有焗用近期勁多甩漏嘅中堅華拉尼，相信皇馬會以攻代守減少防線所受壓力。
華倫近期最火熱射手必數辛迪文拿，呢位22歲土炮繼早前歐聯對年青人個人梅開二度後，上輪聯賽又喺華歷簡奴身上省兩粒，協助華倫聯賽主場開齋，令人驚喜。況且華倫作客巴貝拿從不怯場，近5次作客皇馬共轟入9球，其中4次總入球開4球或以上，中位數3.5球嘅大盤捧得過。