雖然今晚賽事唔多，但阿King一樣有好嘢推介，其中西甲獨腳戲利雲特主場對畢爾包值得留意。利雲特不但排名較高，而且坐擁主場之利，點不知主客和賠率竟然好分過對手，邊有咁大隻蛤乸隨街跳呀？擺明有蠱惑，既然有平手盤玩，不妨轉捧畢爾包。
（Now 632周二凌晨4時直播）
「小蝙蝠」利雲特今季於聯賽時好時壞，試過5場輸4仗，又曾經連贏4場，皇馬、基達菲等都做過佢手下敗將，依家位居中游，表現算係唔錯。
相反畢爾包令人失望，儘管喺上周中西盃大勝侯爾斯卡4粒，但今季聯賽自首輪擊敗雷加利斯後，已經連續12場未贏過，曳到冇朋友，照道理有地利嘅利雲特絕對秤先，不過望埋主客和賠率，「小蝙蝠」Ｗ居然有2.62倍，比畢爾包嘅2.35倍客Ｗ更高，讓球主客和「巴斯克雄獅」亦係讓波一隊，非常離奇，信莊家眼光不妨捧畢爾包平手盤好過。
阿特蘭大里奧艾維同捧大
早半個鐘開波嘅意甲阿特蘭大主場對拿玻里，阿特蘭大一向好「大」喜「攻」，近5場狂轟16粒，拿玻里出晒名火力充沛，今仗明顯鬥攻格局，大盤有計（Now 638、有線654及614台周二凌晨3時30分直播）。最後葡超里奧艾維主場對士砵亭，里奧艾維主場特醒，近6次喺自己地頭比賽獲5勝1和佳績，不過士砵亭3連勝轟12粒弗到漏油，入球大同樣不容錯過。