今晚各大盃賽激戰連場，等阿King同大家分享過關好路。其中東南錦4強次回合，越南將會返到主場再鬥菲律賓，越南首回合以2比1取勝，呢場肯定會以守代攻，對付開局不嬲慢熱嘅菲律賓，半場和值博。
（有線603及604台周四晚上8時30分直播）
以早前U23亞洲盃冠軍陣容為主要班底嘅越南，呢次出戰東南錦表現依然強勁，今屆5仗取4勝1和，兼只係失過1球，後防發揮穩定，其中就包括喺4強首回合搶得勝局，呢場喺番自己地頭出擊，可以話係佔主動權。相反以瑞典名帥艾歷臣領軍嘅菲律賓，今屆5戰有4次半場都同對手打和，攻力欠保證，作客強敵越南更加難有作為，半場和唔好錯過。
利雲特「大」起乙組仔
同日仲有西盃32強次回合對決，由利雲特主場出戰對乙組仔盧高，利雲特啱啱主場贈畢爾包3蛋，氣勢如虹，中位數2.5球嘅入球大捧得過。尾關揀阿盃決賽，羅沙里奧中央喺中立場面對甘拿斯亞，羅沙里奧出戰阿根廷盃開局不嬲謹慎，近4仗阿盃半場都同對手難分高下，半場和值得追捧。