周日晚西甲好戲連場，其中聯賽新軍侯爾斯卡將會主場挑戰皇家馬德里。皇馬自0比3不敵伊巴之後，強勢回勇，上仗喺西班牙盃仲大炒低組別球隊，呢場面對實力欠奉嘅侯爾斯卡，絕對有力大勝而回，讓球客勝唔好錯過。
（Now 632周日晚上11時15分直播）
阿辛斯奧艾斯高腳風順
早前聯賽爆冷淨食伊巴3蛋嘅皇馬，火速反彈，繼歐聯2比0輕取羅馬之外，返到聯賽都再以同樣比數擊敗華倫西亞，信心即刻返晒嚟，上仗就延續良好氣勢，喺西盃以6比1橫掃低組別球隊美利拉，火力全開，其中兩位西班牙本地薑馬高阿辛斯奧同艾斯高齊齊梅開二度，腳風順到冇朋友，幫助皇馬近5仗4次贏對手2球或以上，呢場有力再帶領「銀河艦隊」再奏凱歌。
近年首次升上西甲嘅聯賽新軍，不時交出驚喜表現，可惜今季侯爾斯卡就冇呢支歌仔唱，皆因佢哋自聯賽處子戰擊敗伊巴後，就未贏過波，明顯唔夠班應付頂級聯賽嘅挑戰，呢場面對強勢來襲嘅皇馬，肯定難逃一劫，皇馬「-1」濕濕碎啦。