今晚英超獨腳戲，「拖肥糖」愛華頓喺主場迎戰「大黃蜂」屈福特。今仗係愛華頓主帥馬高施華倒戈，上季佢畀屈福特炒魷，點都想贏番鋪一吐烏氣，不過佢學精咗識得留前鬥後，預計初段會穩陣行先，睇準機會先拮「大黃蜂」一刀，半場和更值博。
（Now 621周二凌晨4時直播）
葡萄牙籍少帥馬高施華初登英超時，大踢進攻足球，前季季中接手侯城雖護級失敗，但獲得屈福特垂青，上季季初一度帶領球隊殺上前四，不過當時愛華頓怒炒朗奴高文後，曾經斟過馬高施華，「大黃蜂」認為佢哋咁做搞到施華心都散晒，導致季中戰績插水，最終請咗呢位少帥食無情雞。直到今季馬高施華才正式接手愛華頓，難得今仗冤家路窄，梗係想贏波威番鋪，但佢亦學精咗，採取留前鬥後的策略，為免過早失波陷於被動，上半場會先求唔輸，從「拖肥糖」近8場7次開半場和，可見一斑。
留前鬥後vs殘陣焗守
今季頭4場聯賽贏晒嘅屈福特，亦慣性跌Watt，近9場聯賽輸咗6仗，無復季初勇態，連對住修咸頓、紐卡素等下游分子都贏唔到，加上防中伊天卡普爾坐波監，後衞卡保奧及普特爾亦告受傷，呢場作客一定先做好防守，唔敢輕舉妄動。查實「拖肥糖」近4仗僅1勝，狀態亦唔好得幾多，睇番兩軍近5次交手，全部開半場和，不妨追多鋪。