一年一度、雲集7大洲冠軍競逐嘅世界冠軍球會盃今晚正式開打，揭幕戰先上演資格賽，由東道主阿聯酋勁旅艾阿恩鬥大洋洲代表FC威靈頓。
艾阿恩係應屆阿聯酋超級聯賽盟主，陣中較為人熟悉嘅球員，包括有瑞典國腳馬古斯貝治及日本中場鹽谷司，實力有番咁上下，加上主場出擊氣勢更盛，絕對有能力打響頭炮。
FC威靈頓屬陪跑分子
大洋洲代表一向喺世冠盃都屬陪跑分子，對上8屆全部都喺資格賽出局，而對上7屆都有份參賽嘅新西蘭球隊奧克蘭，上屆喺大洋洲聯賽冠軍盃4強正正畀今場主角FC威靈頓所淘汰，不過咁唔代表呢隊FC威靈頓好打得，睇番對上8屆往績，世冠盃東道主喺資格賽法定時間攞到7勝1和，艾阿恩今勻佔盡天時、地利、人和，就算讓到一球、球半都冇有怕，上盤照捧可也。（周三晚上11時30分開賽）