歐霸分組賽嚟到尾聲，戰況激烈嘅G組周五凌晨將會上演兩場關鍵大戰，其中謝拉特領軍嘅格拉斯哥流浪，將會作客挑戰維也納迅速。格流今季歐霸小組賽作客攻得又失得，今場邊隊贏波就可以出線嘅情況下，兩軍隨時再演對攻戰，中位數2.5球入球大唔好錯過。
（Now 643周五凌晨1時55分直播）
格拉斯哥流浪暫時以6分位列G組第3，同小組2哥維也納迅速只差1分，呢場兩隊勢將上演生死戰。今季揾嚟前利物浦傳奇隊長謝拉特執教嘅格流，就係希望呢位前歐聯冠軍得主，可以將豐富嘅歐戰經驗傳授畀球員，而一班進攻球員亦好爭氣，今屆歐霸分組賽作客場場有波入，可惜後防太鬆散頻頻畀對手偷雞，結果近兩仗歐霸作客全開4球或以上，今場兩隊為出線肯定鬥攻，中位數2.5球入球大諗得過。
維拉利爾斯巴達大火併
同組同時間仲有維拉利爾主場鬥莫斯科斯巴達，兩支球隊僅相差2分，出線形勢同樣緊湊，肯定打崩頭。其中近期狀態插水嘅「黃色潛艇」啱啱易帥，揾嚟西班牙教頭路爾斯加西亞領軍。正所謂新官上任三把火，今場隨時憑新帥效應反彈，加上隊波本身質素有番咁上下，有力同莫斯科斯巴達鬥攻，中位數2.5球入球大值博。
（Now 644、有線661及601台周五凌晨1時55分直播）