世界冠軍球會盃半準決賽，由亞冠盃盟主鹿島鹿角對中北美洲冠軍瓜達拉哈拉，呢場喺阿聯酋踢嘅大戰肯定矚目。鹿島鹿角季尾仲要應付幾條戰線，射手鈴木優磨等3個球員打晒柴，加上瓜達拉哈拉早已派人窺探軍情，今仗會作出針對性部署，唔會畀鹿島鹿角肆意狂攻，首選中位數2.5球入球細。
（周六晚9時開賽）
鹿角季尾為保留體力應付亞冠盃、聯賽及日皇盃3條戰線，踢法變得保守，近5場比賽只入4球、失1球，總入球有4次開2球或以下；呢種實際踢法，成功為鹿角帶來首個亞冠盃錦標，同時亦保住聯賽季軍，獲得下屆亞冠盃入場券，今次轉戰世冠盃，勢必沿用此踢法與敵周旋。
瓜軍備戰充足
瓜達拉哈拉於剛結束的墨超首階段常規賽僅排11位，無緣進身季後賽，而且距離常規賽煞科接近2星期，瓜達拉哈拉於這段時間僅靠操練及友賽保持狀態，成效未必最好。不過，瓜達拉哈拉勝在備戰非常認真，球隊喺星期三已經到埗適應當地天氣及場地，而為咗收集鹿島鹿角資料，喺亞冠盃決賽兩個回合都派咗人觀戰，做到知己知彼作用。
鹿島鹿角周四先至到埗，球隊喺日本天皇盃準決賽不敵浦和紅鑽，近2場都入唔到波，最慘係聯賽入咗11球嘅頭號射手鈴木優磨大腿筋受傷抖2個月，中場三竿健斗鼠蹊有傷休戰6星期，後衞小田逸稀膝傷缺陣兩個月，三線都有主力養傷，今場面對有晒準備嘅瓜達拉哈拉，睇怕鹿角都唔會多波入，細盤值得捧場。