今晚英超頭場，跌咗落「2哥」位嘅曼城主場迎戰「拖肥」愛華頓。上輪聯賽被打破不敗身嘅「藍月亮」，王牌射手阿古路有機會復出，連同利萊辛尼「C朗級」嘅弗爆表現，攻力強橫，不過防線近期勁多甩漏，遇上反擊力強嘅「拖肥」，捧中位數3.5球嘅大盤更好路。
（Now 621周六晚8時30分直播）
曼城傷兵唔少，上仗聯賽焗排無鋒陣，最終作客以0比2輸畀車路士，聯賽不敗金身都被破，好彩周中歐聯出多名副選照贏賀芬咸，德國翼鋒利萊辛尼更轟入靚爆罰球，呢球堅有C朗影子，賽後曼城球迷大讚佢水準係最接近C朗嘅球員，而且經過季初畀主帥哥迪奧拿特登雪藏一輪後，佢亦生性咗好多。王牌阿古路抖咗近2周後，傷勢已好得七七八八，今場有機會趕及披甲，呢位阿根廷前鋒把握力強之餘，仲可在前場牽制對方守將，造就史達寧、利萊辛尼等後上入楔，火力肯定提升。況且曼城近4場聯賽主場狂轟17球，全開4球或以上，今場必圍攻對手博反彈。
「拖肥」李察利臣反擊煞食
不過愛華頓亦非善男信女，近6場聯賽僅1敗，唯一敗仗係補時階段門將比克福特發波瘟犯錯，以致0比1輸畀同市死敵利物浦。睇番佢哋嘅前鋒李察利臣近6場聯賽入4球，配合基菲爾施古臣及禾確特打反擊，面對近6場聯賽僅1次不失嘅曼城，隨時搵到着數，捧中位數3.5球嘅大盤最明智。
睇《彩報》神器即時戰報博3:1
除咗大盤之外，斯維亦推介球迷睇埋《彩報》新功能即時戰報嘅分析，呢個即場投注神器，喺開波前同開波後都會計算勝率，開咗波之後仲有埋動畫直播、波膽開出機率等超正功能，呢場波神器認為曼城贏梗咁滯，計埋平均入球同失球，3比1波膽就最似樣。今場最佳投注策略，先買個入球大，再博曼城贏3比1，之後上win.on.cc開《即時戰報》玩走地，分分鐘贏多幾注！