周一凌晨西甲大戰，利雲特主場挑戰聯賽「一哥」巴塞隆拿。利雲特今季靠前場強勁火力搵食，表現令人眼前一亮，成為一路奇兵，呢場對住有球王美斯同一班攻擊好手壓陣嘅巴塞，絕對有力對攻，中位數3.5球入球大好路。（Now 632周一凌晨3時45分直播）
作為巴倫西亞大區嘅代表之一，利雲特今季表現夠晒爭氣，暫時以22分排聯賽第6位，排名仲壓過華倫西亞同維拉利爾兩支同區「大佬」。其實佢哋能夠脫胎換骨，全賴一班前線球員嘅超班演出，除咗頭號射手羅渣馬迪聯賽至今斬獲8球之外，弗爆隊長荷西摩拉利斯亦頻頻壓上助攻得手。不過，利雲特後防甩漏情況嚴重，計埋上仗以4比4逼和伊巴，利雲特近4場聯賽有3次總入球開4球或以上，可見球隊往往以攻代守，呢場入波肯定唔會少。
足智彩2點
截止受注
早早喺歐聯分組賽出線嘅巴塞，上仗面對熱刺進行輪換，出盡副選應戰，加上前線危險人物蘇亞雷斯傷愈復出，呢場估計會強陣出擊。不過講到最搶眼嘅，肯定非法國新仔奧士文尼迪比利莫屬，雖然佢近排因為捱夜打機，搞到爆出訓練遲到嘅負面新聞，不過你又吹佢唔脹，皆因呢位世盃冠軍成員場上表現一啲都唔失禮，上仗對熱刺單騎闖關嘅精彩入波就令球迷拍爛手掌，呢場繼續有佢拍住球隊大佬美斯，巴塞前場火力都幾得人驚，睇好巴塞同利雲特駁火，中位數3.5球入球大唔好錯過。提提大家，足智彩將會喺周一凌晨2時結算，又冇即場投注。想買呢場波嘅球迷就要早啲落住啦！