今晚英超頭場之一，車路士作客白禮頓。車仔王牌夏薩特近期變身助攻王，頻頻為隊友鋪橋搭路，造訪防守不穩兼有後衞沙恩杜菲坐波監嘅白禮頓，客勝冇肉食，轉捧中位數2.5球嘅大盤更佳。（Now 621周日晚9時30分直播）
夏薩特轉玩助攻交足貨
車仔在意國主帥沙利改造下大踢進攻足球，成功釋放出眾將嘅進攻意識，季初頻頻入波嘅王牌夏薩特，近期轉換角色變身助攻王，上場聯賽交出兩次關鍵助攻，協助車仔以2比0擊敗曼城。「夏神」今季聯賽已錄得8次助攻，火力全開。
白禮頓今季表現唔算曳，近4場聯賽主場未輸過添，絕不能小覷，不過呢班波連續6場聯賽有失波，防線擺明唔多穩陣。最弊係主力守將沙恩杜菲今仗要坐波監，令防線亂上加亂更難保不失。以波論波，車仔贏波機會係較高，但要留意佢哋近4場聯賽作客兩度敗陣，包括以1比2倒輸畀狼隊，其實客勝唔係想像中咁穩，仲要得1.32倍咁奀，高風險低回報，斯維寧願揀2.5球嘅大盤。