曼城盃仔出副選讓得辣
英格蘭聯賽盃進入8強階段，今晚重頭戲有衞冕嘅曼城作客鬥李斯特城。「狐狸」近年喺主場出戰國內盃賽屢有佳作，包括上屆英聯盃8強法定時間內逼和曼城，最終僅射輸12碼；加上曼城主帥哥迪奧拿慣用副選應付英聯盃，戰力打折扣，作客讓球半、兩球太辣，寧博「狐狸」下盤。
（周三凌晨3時45分開賽）
翻查紀錄，自從李斯特城喺2015/16球季贏得英超冠軍後，佢哋近3季喺主場出戰國內兩大盃賽（英聯盃、英足盃），從未試過喺法定時間內輸波，12場比賽攞到6勝6和，對手包括曼城、利物浦及車路士等英超Big 6，表現硬淨。曼城雖肩負衞冕使命，但相比英超或歐聯，呢啲盃仔明顯冇咁上心，哥迪奧拿由上季開始都偏向以副選出戰，上兩圈賽事就見到菲爾科頓、巴謙戴亞斯及辛真高等小將擔正，今場作客讓球半、兩球嫌太多，波童建議捧下盤。
伯頓越級挑機半和得「米」
同時間另一場兩支非英超球隊對碰，英冠米杜士堡主場迎戰英甲伯頓。伯頓今屆英聯盃先後淘汰英超般尼、英冠阿士東維拉及諾定咸森林，實力有番咁上下。米堡近8場主場僅得2勝4和2負，而且近2場對布力般及維拉都先失守，主場出擊亦唔敢冒進；伯頓今屆4場英聯盃有3場開半和，可追多鋪。
（周三凌晨3時45分開賽）