馬賽多線作戰散晒
周四凌晨上演多場法聯盃16強大戰，包括直播戲碼馬賽主場鬥斯特拉斯堡。「斯堡」遇強愈強，對住巴黎聖日耳門、里爾都唔使輸；馬賽近期因兼顧歐洲賽搞到疲態畢露，主場讓一球唔值博，斯特拉斯堡下盤可作過關重心。
（Now 639、有線655及615台周四凌晨4時05分直播）
斯特拉斯堡今季聯賽首循環作客馬賽曾以2比3輸波，不過之後12場只輸2仗，其中代表作必選本月初以1比1逼和班霸巴黎聖日耳門，而且上圈法聯盃佢哋以2比0淨勝聯賽榜「2哥」里爾，表現絕對唔嘢小。馬賽今季因要兼顧歐霸盃搞到兩頭唔到岸，除咗歐霸盃分組賽提早畢業，依家喺聯賽榜跌到落第6，總計聯賽同盃賽，馬賽已連續4場未贏過，而且有3仗失3球或以上，防線甩漏多，想淨勝2粒唔容易，捧下盤明智。
另一場早啲開波嘅直播賽事有艾米恩斯主場鬥里昂。艾米恩斯今季對強隊冇運行，聯賽對馬賽、聖日耳門同今場對手里昂都輸2球或以上；里昂成功打入歐聯16強，盃賽表現特別醒神，里昂讓半一，照捧上盤。
（Now 638、有線654及614台周四凌晨1時45分直播）
里昂盃賽醒神得米
最後摩納哥主場鬥法乙球隊羅連安特，摩納哥主帥亨利上任後，球隊從未喺主場贏過波，今次對住次一級對手自然係搶Ｗ好時機；不過對手羅連安特火力強勁，上圈法聯盃仲贏過另一支法甲球隊圖盧茲，今場冇心理包袱隨時同摩納哥鬥攻，中位數2.5球捧大盤啱數。