今季遇Big 6未嘗大敗
今個聖誕英超繼續陪你拆禮物，最矚目當然係榜首利物浦主場迎戰紐卡素。紅軍氣勢如虹，至今保持不敗提早奪得半程冠軍，不過假期快車加上嚟緊要硬撼阿仙奴同曼城，今場肯定玩留力，讓兩球、兩球半，樂比支持下盤。
（Now 621周三晚11時直播）
上輪英超快車第一站，估唔到已爆到七彩，曼城、車路士主場同時輸波，當中水晶宮作客贏曼城，更開出20倍客W，最開心莫過於利物浦，因為佢哋榜首優勢拉開至4分，睇嚟首奪英超冠軍真係不是夢！
利物浦硬仗多勢輪換
不過利物浦要創造歷史必須喺聖誕過兩關，佢哋先要喺周六惡鬥阿仙奴，然後喺下周中作客鬥曼城，呢兩場波可以話決定咗利物浦今季命運，所以今場鬥紐卡素勢必輪換。
事實上，近期利記傷兵亦唔少，好似後防祖高美斯及祖爾麥迪比仍有傷，近期都要倚賴華基爾雲迪積克同洛夫雲合作中路，而右邊阿歷山大阿諾特亦未知能否復出，防線基本上都要繼續地莊應戰。中場除張伯倫外，拿比基達亦有微傷，相信梳頓沙基利、奧歷治及史杜列治呢班後備兵都有機會擔正。
雖然利物浦嘅二線梯隊一向交到貨，不過讓到兩球、兩球半真係多咗，留意番利物浦贏兩球以上嘅賽事唔算多，今季聯賽15場勝仗都係得5場贏多過兩球，快車加上未必夫添情況下，要開個上盤真係唔容易。
紐卡素遇強例輸一粒
紐卡素攻力平平就係人都知，但勝在防守都算有紋有路，畢竟賓尼迪斯係防守起家，又執教過咁多間大球會，對勁旅表現絕對唔失禮，紐卡素今季對Big6球隊5場波，全部都係僅輸一粒兼且入到波，所以玩下盤之餘，不妨留意埋小敗一球嘅波膽。