今日下午澳職只演1仗，墨爾本勝利主場迎戰威靈頓鳳凰。勝利上場被同市宿敵墨爾本城終止6連勝走勢，但以佢哋近3仗主場聯賽贏晒嘅水準，今返自己地頭出擊可重響勝鼓，勝利讓一球直取讓球主勝。（Now 639、有線655及615台周五下午4時50分直播）
威靈頓鳳凰防線穿窿
勝利上場於墨市打吡戰補時階段先失波，被同市死敵墨爾本城逼和1比1，聯賽6連勝斷纜堅唔抵。不過今夏加盟嘅前瑞典國腳托禾倫繼續有貨交，連續3場有士哥，證明佢寶刀未老，加上前日本國腳本田圭佑因傷經過上仗休息後，今仗有機會復出，攻力有保證。自從頭2輪主場輸畀墨城及珀斯光輝，勝利喺聯賽主場已經取得3連勝，而且3場都至少贏2粒，絕對靠得住。
威靈頓鳳凰近3仗聯賽全勝，狀態都唔錯，不過佢哋近7場聯賽只有1場冇失波，其餘6場合共失11球，後防堅唔穩陣，而且今季4仗作客贏得1場咁大把，表現確實麻麻。翻查紀錄，鳳凰近4場聯賽作客勝利輸3次，明顯唔老利，今場再造訪「凶地」，好難全身而退，勝利挾地利可望大勝一場，2.15倍讓球主勝捧得過。