英超打咗半季，紅軍於12月大放光彩，歐聯殺入16強、聯賽亦接連大勝，加上眾人熱門曼城不知何解突然跌Watt連失6分，此消彼長下，板櫈深度夠、門將穩陣及前鋒線三叉戟有高水準嘅利物浦暫時領導群雄。
利物浦穆罕默德沙拿、沙迪奧文尼及羅拔圖法明奴輪流入波，熟悉足球嘅內行人會了解到，球隊成績好嘅大前提係整體打得好，唔需要依賴某一個主將場場入波先會有好成績，反而輪流有好表現，唔係成隊陷入低潮，呢種球隊先至有威力可以殺到入最後，成為聯賽冠軍。
熱刺曼聯贏波過關
紅魔鬼終於手起刀落，不過2個月前其實就應該要炒摩連奴，但由於當時歐聯仍然有好表現，老板諗如果慳得過唔使賠錢嘅話，就唔好炒佢住，但蹉跎到被踢出聯賽前5；還好蘇斯克查上任，而且面對嘅對手唔係太強嘅情況下連贏2場，保羅普巴獲重見生天，立刻為蘇帥搏命，我相信如果阿仙奴或車路士有任何差池，曼聯仍然有機殺入前4，因為不論牌面及板櫈深度，紅魔皆比呢兩隊為佳。
至於今輪賽事，大家如果唔嫌太過熱，整條隔夜2串1熱刺勝過曼聯勝，應該有斬獲，祝大家新年快樂！