剛破光輝不敗身氣勢盛
周六下午澳職大戰，FC悉尼將會主場面對布里斯班獅吼。FC悉尼上仗擊敗珀斯光輝，終結對手聯賽不敗紀錄，士氣大振，呢場對住走勢低迷嘅獅吼，有力乘主場之利擊敗對手，讓球主勝捧得過。
（Now 639、有線615及655台周六下午4時50分直播）
近4仗聯賽贏咗3場嘅FC悉尼，上仗聯賽以2比1擊敗賽前未輸過嘅榜首球隊珀斯光輝，將兩隊分差縮細到只有3分，重回爭標正軌。其中今季新加盟嘅英格蘭射手方祖，聯賽至今已經獨取7球，高踞射手榜首位，當中就包括上仗面對光輝一役，為球隊先取得入波，表現有保證。況且FC悉尼今季主場只取得1勝2負成績，對呢支2屆常規賽冠軍球隊嚟講，發揮絕對唔合格，呢場肯定希望係主場球迷面前踢番場爭氣波。
客軍4連敗最少失兩球
獅吼今季9場聯賽只係贏得1場，成績只係稍稍好過至今未贏過波嘅聯賽包尾球隊中岸水手，而且獅吼聯賽已經連續輸咗4場，仲要場場都失2球或以上，防線如同虛設，呢場面對火力有番咁上下嘅FC悉尼，獅吼難逃一劫，讓球主勝唔好錯過。