英超聖誕快車周日晚較遲開波嘅，仲有修咸頓主場挑戰曼城。修咸頓自德國教頭夏辛侯迪上任後，走勢有起色，尤其一班前鋒表現生猛，相反衞冕嘅曼城防線甩漏嚴重，仲因此慘遭聯賽2連敗，呢場對「聖人」有機會同演入球騷，中位數3/3.5球入球大唔好錯過。
（Now 621周日晚上10時15分直播）
「藍月」焗攻防線欠穩
衛冕英超冠軍嘅曼城，近期陷入小低潮，繼2比3輸畀水晶宮之後，上仗再以1比2不敵李斯特城，連續2場輸波，落後榜首利物浦達7分之多，為爭標已不容再失，今場肯定希望強攻對手。球隊雖然火力強勁，只可惜防線欠穩，其中防守中場費蘭甸奴因傷缺陣，令後防缺少保護，絕對係近2場失利嘅主要原因，呢場冇咗呢位巴西仔鎮守中路，「藍月亮」隨時再有閃失。
相反獲德國主帥夏辛侯迪中途接手嘅「聖人」修咸頓，狀態明顯有改善，近3仗聯賽取2勝，其中包括3比2爆冷擊敗阿仙奴，可見佢面對強隊絕對踢法唔會龜縮，其中丹尼艾格斯近3仗上陣入3球，腳風奇順，加上球隊近6次面對Big 6球隊全開3球或以上，呢場兩隊隨時上演入球騷，中位數3/3.5球入球大係好路。