今晚英超頭場上演倫敦打吡，車路士作客水晶宮。車仔早前頻頻失分，為保前4不容再失，但水晶宮為護級同樣搏命，早前作客勇挫班霸曼城，盡顯鬥心，既然兩軍近年碰頭例演入球騷，波童今場捧中位數2.5球嘅入球大。
（Now 621周日晚8時直播）
車仔飄忽以攻代守
車仔上場憑夏薩特梅開二度，作客以２比１險勝屈福特，夏薩特、韋利安與柏度洛迪古斯組成嘅無鋒陣走位靈活，令對手防不勝防，不過主帥沙利仲未可以將車仔調教到攻守平衡，以致車仔既可擊敗曼城，轉頭又會輸畀狼隊及李斯特城，近10場聯賽只得6勝，被阿仙奴亦步亦趨，為搶分保前4，今場作客必繼續以攻代守。
下游分子水晶宮近期回勇，對上3場聯賽攞到2勝1和，包括作客爆大冷以3比2擊敗曼城，證明呢支倫敦球隊為搶分護級，一樣會豁出去進攻。翻查紀錄，兩軍近7次正面交鋒，一共合力炮製20個士哥，當中6次總入球達3球或以上，預計今場唔會例外，中位數2.5球嘅大盤捧得過。