周四凌晨葡超激戰連場，等我阿King同大家講講過關心水。其中2哥賓菲加將會作客面對中游分子樸迪莫倫斯，今季矢志重奪葡超冠軍嘅賓菲加，隊中多位攻擊手近期腳風都夠順，呢場2019新年第一擊，肯定一開波就反客為主，半場客勝唔好錯過。
賓菲加近期聯賽走勢強勁，豪取5連勝，包括上仗以6比2擊敗爭標競爭對手布拉加，士氣大振，其中34歲巴西高產射手莊拿斯干卡維斯，經歷季初慢熱之後，近排又再重拾射門靴，近5仗上陣入4球，加上碧斯同拉法施華攻力都有番咁上下，有力分擔進攻重責，球隊近3仗聯賽半場就取得領先優勢，半場客勝好路。
唐迪拉搶分吼半大
同日仲有辛達卡拉主場面對唐迪拉，唐迪拉距離降班區只差1分，呢場要繼續搶分，球隊近7仗6次半場開2球或以上，半場大係不二之選。最後有布拉加主場鬥馬里迪莫，布拉加上輪聯賽慘敗畀賓菲加之後，呢場肯定全力爭反彈，好彩射手迪亞高蘇沙入得波，暫時以11球高踞射手榜榜首，呢場有力輕取對手，讓兩球照捧讓球主勝。