蘇B手握普巴說明書
今晚英超聖誕新年快車尾場，重拾佳態嘅曼聯作客「喜鵲」紐卡素。曼聯自從蘇斯克查中途接手後，抑壓多時嘅魔性重新爆發，其中王牌保羅普巴更加弗到漏油，令紅魔火力全開，不過「喜鵲」亦急需搶分護級，今場有地利唔會坐以待斃，鬥攻格局一於捧2.5球嘅入球大。
(Now 621周四凌晨4時直播)
曼聯新帥「蘇B」蘇斯克查上任後，一改前任摩連奴死氣沉沉嘅悶蛋打法，重新打出傳奇教頭費格遜年代嘅進攻氣勢，佢領軍頭3場贏晒兼狂轟12粒，睇到粉絲賞心悅目；「蘇B」最高明一招，係畀到中場保羅普巴入楔嘅自由度，呢位法國國腳近3場便攻入4球及交出3次助攻，佢一個就製造咗7個士哥，佔咗球隊呢3場總入球58.4%，而且佢射門、中龍、掂波及製造埋門機會次數，亦係全隊最多，明顯「蘇B」手握普巴說明書，識用過摩連奴多多聲。
不過佢上任後3場有失球，連埋之前嘅比賽，曼聯已經連續8場未能保持清白之身，防線唔算穩健。
紐卡素賓尼迪斯擅反擊
位於聯賽下游嘅紐卡素，上場聯賽領先下完場前失守，被屈福特逼和1比1，仍極需搶分護級，今次回師主場唔會做縮頭烏龜，而且曼聯進攻壓得咁前，擅打反擊戰術嘅「喜鵲」主帥賓尼迪斯，可謂合晒合尺。聯賽連盃賽在內，曼聯近8場共轟22球，全部都開3球或以上，既然佢哋都係有前冇後，