主場遇私房菜讓半一
周三澳職獨腳戲，紐卡素噴射機主場鬥布里斯班獅吼。獅吼上場輸畀FC悉尼後已5連敗；噴射機上場雖然輸波，但射手奧當路雲已重拾射門鞋，噴射機讓半一必捧上盤。
（Now 638、有線654及614台周三下午4時50分直播）
現排聯賽榜尾2嘅獅吼開季至今10場聯賽只贏1場，上場對FC悉尼賽前雖有教練艾萊斯引咎辭職，改由戴倫戴維斯做看守教練，不過最終作客仍輸1比2，表現完全冇起色，而且首席射手阿當泰加特上場比賽末段射失12碼，錯失追平黃金機會，信心明顯受到戰績低落所影響，短期內要反彈似乎唔容易。
近7次聯賽交鋒6勝
噴射機上場聯賽雖然以1比2不敵阿德萊德聯，但近4場聯賽仍獲2勝，水準總比獅吼穩定，而且季初停賽嘅前鋒奧當路雲終於重拾射門鞋，取得個人今季開齋波，相信只要操番起狀態，有望幫助噴射機改善戰績。
更何況，噴射機近年專剋獅吼，近7次聯賽交鋒噴射機贏咗6次，包括最近4次全勝，依家獅吼信心及狀態跌至谷底，噴射機讓半一上盤捧得過。