4強首回合
周三凌晨英聯盃4強首回合焦點大戰，熱刺將會主場同車路士上演倫敦打吡。熱刺一班前鋒腳風極順，入波入到停唔到，加上近期兩支倫敦死敵碰頭都打得火熱，例牌演對攻戰，呢場隨時再有大手筆交易，中位數2.5球大盤好路。
（周三凌晨4時開賽）
熱刺今季英聯盃多次遇上倫敦勁敵，繼16強以3比1淘汰韋斯咸之後，8強再以2比0收死宿敵阿仙奴，表現強勢，其中南韓前鋒孫興民近兩仗英聯盃上陣，個人獨取3球，包括面對阿仙奴一役為球隊先開紀錄。呢位攻擊手為留隊幫熱刺，突登推遲同正出戰亞洲盃嘅南韓國家隊會合，鬥志可嘉，夾住哈利卡尼同迪利阿里等好拍檔，熱刺火力絕對唔講得笑。
熱刺遇車仔例鬥攻
另一邊廂，車仔頭號球星夏薩特喺領隊沙利帶領下，成功轉型做高產射手，近3仗英聯盃上陣射入2球，包括上仗面對般尼茅夫一箭定江山。加上兩隊近7次交手，有6次開3球或以上，呢場兩隊鬥攻格，隨時再演入球騷，中位數2.5球大盤咪錯過。