未睇熱刺對曼聯大戰之前，周日英超頭場愛華頓對般尼茅夫亦不容錯過，唔講唔知，兩軍係除咗Big 6之外，英超入波最多嘅球隊，而且兩軍近4次交手全部總入球3球或以上，2.5球嘅入球大有買趁手。
（Now 621周日晚10時15分直播）
般尼茅夫踢法性感係人都知，今季踢咗21場聯賽，以中位數2.5球計，開出16大5細，開大比率高達76.2%，10月底開完7連大，喺聖誕新年快車期間回一回氣開番2場細之後，聯賽又3連大。
賴恩費沙係「般茅版夏神」
般尼茅夫聯賽攻入31球，得球數字同今場對手愛華頓平起平坐齊齊排第7，僅次於Big6，當中最大功臣肯定賴恩費沙，呢名蘇格蘭中場貢獻9次助攻，同車路士中場「夏神」夏薩特並排英超助攻王美譽，佢自己亦射入5球，非常厲害。由利物浦加盟嘅蘇蘭基因傷未能上陣，但另一紅軍借將右閘尼達利基尼相信會正選上陣。
至於主場出擊嘅愛華頓，繼續有巴西前鋒李察利臣同冰島中場基菲爾施古臣排住上，速度及創造性都不需要懷疑，「拖肥糖」近3次於葛迪遜公園球場對般尼茅夫合計入咗15球，今場中位數2.5球入球大有1.59倍必捧，鍾意博賠率嘅朋友，不妨小注試吓3.5球入球大，有2.65倍都幾和味。