坐擁最強雙箭
周日澳職頭場FC悉尼主場鬥阿德萊德聯，悉尼狀態不俗，近8場聯賽5勝3負，但防線唔係咁穩陣經常失波，近8場聯賽全開3球或以上，阿德萊德聯作客表現亦佳，入球機會甚高，今場中位數2.5球入球大最值博。
（Now 639、有線655及615台周日下午3時直播）
ＦＣ悉尼近期演出對辦，主場已經2連勝，包括以5比2大炒中岸水手，一對前鋒方祖及保斯基今季已經合共攻入17球，可說是澳職最佳鋒線組合之一，悉尼今場要取得入球難度不大。事實上，ＦＣ悉尼今季在聯賽及盃賽，合共17場比賽都取得入球，火力十分強勁。
不過，阿德萊德聯亦唔係任人魚肉，佢哋喺聯賽及盃賽近7場作客贏咗6場，當中4場聯賽作客有3場開大，今場造訪ＦＣ悉尼，無懼同主隊駁火，預料會出現不少入球。
「1哥」光輝追打流浪者
至於「1哥」珀斯光輝就會主場鬥西悉尼流浪者。珀斯光輝火力強勁，近期頻頻與對手製造大比數賽果，作客面對中岸水手、布里斯班獅吼，更分別單場攻入4球，當家射手安迪基奧治包辦其中3球，狀態勇銳，光輝今場重返地頭出擊，肯定攻到對手有氣冇碇抖。西悉尼流浪者防線相當脆弱，近5場聯賽皆未能保住清白身，好難頂得住珀斯光輝嘅強攻，主勝有1.6倍極之抵玩。
（Now 639、有線655及615台周日下午5時直播）