英超壓軸戰會由車路士鬥紐卡素，今場雖然凌晨開波，但絕對值得大家捱眼瞓欣賞，因為兩軍近年每次對決，例必擦出火花，近6次交手，總入球例必喺3球或以上，今次再遇各有所求必具鬥志，賽前買定2.5球入球大睇波，一邊睇一路就住形勢再追走地入球大，有權一場收幾注。（Now 621周日凌晨1時30分直播）
車仔上輪聯賽意外於主場悶和修咸頓，喺爭標路上再被拋甩，今輪之前經已落後「1哥」利物浦10分之多，先唔好講爭標，依家個第4位都唔係好穩陣，只係分別領先阿仙奴同曼聯3分同6分，「藍戰士」有乜差池，連歐聯入場券都冇，今戰必會全力求勝。此外，車路士射手艾華路莫拉達近期腳風回順，雖然上周足總盃曾出現離門3碼射失鏡頭，但該仗其實佢省入兩粒。
英國傳媒盛傳車路士領隊沙利想搵番舊部下希古恩，兩人曾經喺拿玻里合作愉快，莫拉達為咗保住正選位置，遇正弱旅紐卡素，必然會再度顯露其射手本色證明身價。
紐卡素護級冇得縮
至於紐卡素現時排名15，為護級亦不能鬆懈，喺各項賽事已經5場不勝嘅「喜鵲」急於求反彈，相信亦唔會死守，兩軍近6次交手全部開大，紐卡素有4次喺車仔身上取得入波，並非完全捱打，入球大萬勿錯過。