今日受注賽事以亞洲盃及西盃為主，亞洲盃分組賽打到最後一輪，今日上演E、F組賽事，頭場F組日本火併烏茲別克，日本今場必須贏波才可反壓對手以首名出線，不過日本今屆表現攻強守弱，遇上頭2輪攻入6球、鋒力相當不俗嘅烏茲別克，相信會有唔少入波，中位數2.5球大盤可作過關重心。
（Now 671周四晚9時30分直播）
日本及烏茲別克喺F組同樣2戰全勝得6分，烏茲別克得失球較佳暫列榜首，日本想攞小組首名今場非勝不可。自從森保一接掌帥印後，日本7場比賽攞到6勝1和，新進鋒將南野拓實、堂安律等都有好表現，不過佢哋後防仍然以長佑友都、吉田麻也及酒井宏樹等老將孭飛，經驗有餘活力不足，面對朝氣勃勃嘅烏茲別克唔易應付。烏軍上場大炒土庫曼4比0，4個入波全部喺上半場射入，踢法進取有效率，面對後防有隱憂嘅日本隨時搵到食，中位數2.5球大盤博得過。
另外，E組嘅沙特阿拉伯及卡塔爾同樣為首名資格而戰，卡塔爾前鋒阿蒙斯阿里上場轟入4球，帶領球隊大勝北韓6比0，腳風順到冇朋友，相反沙特今場有前鋒艾達華沙里停賽，戰力此消彼長，加上卡塔爾近6次對沙特3勝3和未輸過，今場卡塔爾受讓平半必捧下盤。
（Now 670周五凌晨零時直播）
西盃巴塞翻盤有鑊氣
最後一關揀西盃16強次回合，巴塞隆拿主場鬥利雲特。巴塞首回合作客輸1比2，想晉級非勝不可，首回合休息嘅美斯、蘇亞雷斯等主力預計會復出攻堅；利雲特對上5次作客魯營全部淨輸3球或以上，巴塞讓2球照捧讓球主勝。
（周五凌晨4時30分開賽）