周五下午澳職大戰，西悉尼流浪者將會主場迎戰阿德萊德聯。西悉流聯賽走勢低迷，同球隊鬆散防守有好大關係，相反阿聯鬥親西悉流都特別醒神，呢場為搶分肯定唔會留手，隨時一開波就搶攻，中位2.5球入球大唔好錯過。
（Now 639、有線615及655台周五下午4時50分直播）
西悉尼流浪者踏入今年未好過，近4仗聯賽輸晒之餘，仲有奧利奧爾尼亞拿同鮑祖漢兩位核心球員因傷要長抖，形勢不容樂觀，上仗面對聯賽「1哥」珀斯光輝，西悉流喺領先情況下，最終都以3比4不敵對手，計埋該仗，佢哋近6仗合計失足16球，當中5次開3球或以上，後防如同虛設。好彩1月轉會窗由德國丙組聯賽轉投加盟嘅卡華美耶保亞表現對辦，加上一班前場小將夠爭氣，睇嚟西悉流要搶分惟有靠進攻取勝。
查實連盃賽加聯賽，阿德萊德聯近6次同西悉尼流浪者交手獲3勝3和，往績明顯佔優，其中4次都開3球或以上，西悉流近期弱勢，阿聯冇理由唔趁火打劫，食住個勢狂攻對手，兩軍鬥攻格，中位2.5球入球大絕對係好路。