周中英聯盃4強出局嘅熱刺，足總盃第4圈就會作客水晶宮。呢個倫敦打吡組合極度旺細，最近6次對壘全部總入球得1球，當中熱刺贏5次，不過由於熱刺讓晒車馬炮，兼且周中踢多水晶宮1場，贏唔贏到都成問題，不如簡簡單買個中位數2.5球嘅入球細好過。
（周一凌晨零時開賽，馬會網上文字直播）
哈利仔迪利阿里受傷
雖然唔係新聞，但點都要提多大家一次，熱刺嘅哈利卡尼同迪利阿里受傷唔出得，孫興民剛踢完亞洲盃未歸隊，所以呢場波同周中對車路士一樣，熱刺領隊普捷天奴要用洛蘭迪同拉美拿攻堅，水準真係差好遠。
水晶宮對住熱刺，雖然近6次手交手輸5次，但只係僅輸1球，而咁啱贏嗰1次呢，就係2016年足總盃，要留意嘅係，呢6場對碰哈利卡尼都在陣，連有哈利仔嘅時候都只係少交收，今場更加唔會多波入，中位數2.5球嘅入球細放心捧。