蘇B全民皆攻衝9連勝
近期氣勢如虹嘅曼聯，周三凌晨喺奧脫福球場鬥般尼。般尼上場英足盃0比5畀曼城摧殘，聯賽首循環6次鬥Big6亦全部落敗，實力有明顯分野，今場作客「魔域」都係等劏！紅魔鬼嘅進攻足球破壞力急而勁，8連勝入面有7場半場已經領先對手，等閒球隊點係曼聯手腳，快車場合更加要趁早打好贏波基礎，1.55倍半場主勝熱得合理。
（Now 622周三凌晨4時直播）
曼聯上場英足盃作客以3比1擊敗阿仙奴，自蘇斯克查接任看守領隊後已連贏8場，「蘇B」主張進攻足球，不但激活中場大腦保羅普巴及前鋒拉舒福特，連阿歷斯山齊士同盧卡古都有回勇表現，前者上場對阿仙奴倒戈入波，後者更罕有地交出兩次助攻一洗頹風，在蘇斯克查麾下嘅曼聯稱得上是「全民皆攻」。
現時蘇斯克查更有「幸福的煩惱」，中前場大把籌碼等住佢用，普巴、福仔、連格、A山、盧卡古、桑馬達都可以因應唔同對手及戰局隨時候命。曼聯目前同阿仙奴同分，只比第4位嘅車路士少3分，為爭入前4肯定甫開賽即搶攻，曼聯在「蘇B」領導下從未試過落後，8場比賽皆先開紀錄，當中7次半場領先。
般尼遇Big 6冇得揮
般尼近況好番，不過今季聯賽對Big 6就交出「應有水準」，6場全敗失18球只入2球，包括首循環主場0比2不敵曼聯，嗰場紅魔鬼亦係上半場已經領先2粒，今場蘇斯克查9連勝目標唔難達到，但主W熱到燙手，不如轉玩半場主勝。