士氣曳 換帥未執掂
聽朝南美波好戲連場，阿King搵到過關心水。阿甲聖馬田聖祖安主場對小保加，小保加失落自由盃士氣受挫，加上換帥冇耐，面對守得嘅聖馬田聖祖安未必能大捷，中位數2.5球細盤好路。（Now 639、有線655及615台周五早上8時直播）
小保加早前喺自由盃決賽輸畀死敵河床，痛失錦標，及後主帥舒洛圖宣布離隊，由前颶風隊教頭艾法路接手，佢上仗首度領軍只能1比1逼和紐維爾舊生，明顯適應需時，今場面對踢法更保守嘅聖馬田聖祖安，細盤有計。
山度士超班「拉」唔住
同日巴省聯兩場賽事，丙組仔巴拉干天奴主場對山度士，山度士喺巴省聯3戰全勝未失過波，今場贏面壓一，客勝好路（周五清晨5時15分開賽）；另一仗聖保羅主場鬥古蘭尼，喺中國掘金嘅靴蘭尼斯回歸聖保羅，但佢受傷未踢得，另一主力艾華頓卡度素同樣因傷缺陣，古蘭尼隨時有雞偷，讓球客勝值博。
（周五早上7時開賽）