周中波盃賽當道，大把名牌球隊出場，唔怕冇重心。法足盃16強巴黎聖日耳門（PSG）作客丙組仔維利法蘭，PSG雖續缺尼馬，但早前已失落法聯盃，加上聯賽新敗，下周又有歐聯，如果仲有乜依郁，主帥杜曹前途凍過水，遇弱旅大炒是常識吧，讓球主客和讓3球都要捧讓球客勝。
（Now 639、有線655及615台周四凌晨1時30分直播）
至於拜仁慕尼黑喺德國盃16強就會作客哈化柏林，哈化聯賽曾經贏過拜仁兩粒，冇壓力下盃仔必搏，拜仁歇冬後成績麻麻，3戰2勝1負，愈踢愈沉，哈化主場隨時再偷拜仁雞，捧受讓嘅讓球主勝。
葡盃4強撐賓菲加
最後葡萄牙盃4強首回合，賓菲加主場鬥士砵亭，2支傳統勁旅對碰理論上睇頭十足，不過士砵亭狀態沉到爆，最近4場只得3和1負，包括3日前聯賽2比4不敵今仗對手賓菲加。賓菲加心理上佔優，挾主場7連勝優勢，主W穩開。呢3場有賠率，中2關除埋本都已經有錢贏，玩3串4以小博大。