周五凌晨多場好波上演，阿King同大家度咗條過關幫大家新春搵餐晏，重心推介西班牙盃4強首回合大戰，貝迪斯主場硬撼華倫西亞，「蝙蝠軍團」華倫近期狀態回勇，一班球員開始揾番入球觸覺，加上有中場猛將干度比亞傷愈復出，呢場隨時反客為主，平手盤捧華倫西亞啱數。（周五凌晨4時開賽）
華倫近期大踢爭氣波，繼西盃8強次回合靠洛迪高摩連奴大演帽子戲法，以總比數3比2淘汰基達菲之後，上仗再以2比2逼和聯賽1哥巴塞隆拿，明顯已擺脫早前進攻乏力嘅問題；加上主力干度比亞傷愈候命，有佢搭住啱啱同球會續約嘅射手隊長柏利祖坐鎮中場，「蝙蝠軍團」實力有保證；而且華倫近3次面對貝迪斯取2勝1和佳績，有點格食格味，平手盤可謂坐和望贏。
甘岡偷到里昂雞
同時開波，仲有法足盃16強大戰，甘岡主場鬥里昂（Now 639、有線615及655台周五凌晨4時直播）。里昂上仗主場打破巴黎聖日耳門聯賽不敗金身，然而大戰過後肯定冇咁快回到氣，加上作客讓波，捧踢盃賽特醒嘅甘岡讓球主勝啱數；最後推介係南美自由盃，拉瓜爾拉主場迎戰國民體育會，國民體育會踢自由盃比較保守，近6仗自由盃5次開2球或以下，呢場入球細好路。
（周五早上7時30分開賽）