至於早場弗賴堡同禾夫斯堡嘅「孖堡」對決，東網亦安排咗英語旁述直播，兩軍實力各有千秋，今晚碰頭勢均力敵，黑柴建議小敲有3.2倍好分頭嘅和波。
（on.cc東網周六晚10時30分直播）
弗賴堡目前排積分榜第13位，不過已經拋離尾3嘅史特加7分，降班威脅唔大，佢哋歇冬後仲未開齋，不過上輪作客鬥史特加，踢到補時4分鐘逼和對手，為護級奠下穩固基石，今晚返主場出擊士氣正面，事實上佢哋歇冬後防線表現雖然麻麻，但前線頻有斬獲，鬥心亦一流，主場出擊當然唔想輸波。
至於客軍禾夫斯堡上輪德甲作客擊敗哈化柏林顯示當勇，平均實力亦稍勝弗賴堡，不過佢哋周中踢多咗一場德國盃，強陣作客對RB萊比錫苦戰下以一球飲恨，場波搏得好盡，今晚連續第3場作客未必回到氣，相信會以穩為先。