周一凌晨西甲尾場，畢爾包將主場挑戰巴塞隆拿。季中換帥之後嘅畢爾包防守硬淨咗唔少，可惜前線攻力疲弱問題依舊，呢場挑戰強敵巴塞肯定唔會輕易冒進，寧願堅持主守戰術，中位數2.5球入球細係好路。
（Now 632周一凌晨3時45分直播）
畢爾包新帥加爾卡加列達上任後，成功改善季初後防不穩的情況，近2場聯賽主場全勝之餘，仲可以保持清白身，球隊積分榜排名亦因此節節攀升。可惜佢哋火力仲係好不濟，其中前鋒伊拿基威廉斯雖屢有佳作，早前仲攞埋西甲1月份最佳球員獎，可惜此子入球效率唔算出色，加上老將阿度里斯有傷上陣成疑，「巴斯克雄獅」想同1哥巴塞搶分似乎仲差少少牙力。
巴塞惡戰多 戰將嗌攰
另邊廂，巴塞繼聯賽主場鬥華倫西亞，落後下逼和對手2比2，日前西盃4強首回合主場火併皇馬，再喺落後劣勢下逼和1比1完場，面對連場惡戰，一班球員近日都大吐苦水直言踢得好攰。況且巴塞近5次聯賽與畢爾包交手，4次開2球或以下，呢場作客面對表現硬淨嘅畢爾包，相信都會採取穩中求勝策略中位數2.5球入球細唔好錯過。